Детски енергетски квиз

Детскиот квиз го организираше „ЕВН Македонија“ во Струга со повеќе невладини организации. Националниот квиз за енергетска ефикасност се спроведува 8-ма година по ред и со него досега се опфатени над 40 илјади ученици.

60 деца од 12 основни училишта се натпреваруваа со стекнатите знаења за енергетската ефикасност. Целта е наученото за разумното користење на енергијата да го пренесат на своите врсници во средините во коишто живеат.

Победници на натпреварот се учениците од ОУ „Димитар Македонски“ – Скопје, Лисиче, второто место го освои ОУ „Петар Поп Арсов “ од Карпош, Скопје, а на третото место се пласираа учениците од ОУ „Јонче Смугрески“ – Обршани, Кривогаштани. Победниците добија вредни едукативни награди, а сите учесници подароци од ЕВН Македонија.