Порта3 – градежништво, архитектура и екологија Порта3 – градежништво, архитектура и екологија

Официјални лица за заштита на дивиот свет на САД, пријавија дека по бреговата линија на заливот се пронајдени повеќе од 300 мртви морски птици, 200 желки и 19 делфини во првите пет недели од катастрофата. Се очекува и поголем број морски животни да бидат погодени од нафтата што не престанува да истекува од подводниот извор на компанијата “Бритиш петролеум”

Styrofoam (Polykem SR) е сина екструдирана полистиренска пена (XPS), која служи како изолационен материјал. Заради технологијата на производство со екструдирање, плочите имаат еднолична структура на затворени клетки. Оваа структура има многу предности: ниска вредност на топлинска спроводливост за долги периоди, одлична механичка цврстина, нема капиларно впивање, висока оптпорност на влага, постојаност на циклусите на смрзнување и одмрзнување, долг рок на употреба, мала тежина и лесна обработка (се сече со едноставни алати), отпорност на распаѓање и стареење. Исто така, материјалот е чист, без мирис и не ја надразнува кожата.

Минатата година Кина инвестираше речиси 34 милијарди долари во соларни панели, ветерни турбини и други алтернативни енергетски технологии, што е речиси двојно повеќе отколко САД, каде што трошоците нагло паднаа. Во интерниот декемвриски извештај за економските перспективи на градот Дежоу, главно седиште на таканаречената Сончева долина, градоначалничката Ву Куијун најави дека градот мора „да ја искористи сета своја сила за да ја поддржи компанијата за опрема за соларна енергија Хуанг. Таа се заложи за  „сестрани преференции во политиката, земјиштето, капиталот и другите области за да ја направи компанијата светска класа“.

Австриската компанија која дава услуги во областа на недвижности m2 Group доби градежна дозвола за изградба на шопинг центарот Supernova Zagreb. Шопинг центarot се наоѓа на 10 минути от центарот на градот, во непосредна близина до јужната обиколница хрватскиот главен град и една од главните крстосници на патот кон аеродромот.

Вредноста на становите во неколку европски земји по втор пат може да паднат по максимумот што го имаа пред три години, затоа што тие беа преценети, ја цитира Bloomberg агенцијата Standard Poor’s. Во извештајот на агенцијата се вели дека цените ...

Скопје - Изградбата на Коридорот 10 е од витално значење за економијата на Македонија и на Србија, рекоа по денешната средба во Скопје српскиот министер за економија и регионален развој, Млаѓан Динкиќ и вицепремиерот за економски прашања, Владимир Пешевски.

Бон - Претставници на 185 држави учествуваат на Конференцијата на Обединетите нации за климатските промени, која почна денеска во германскиот град Бон, а која ќе трае до 11 јуни.

Ова е најголемата меѓународна средба за климатски промени по Конференцијата во Копенхаген, која се одржа во декември 2009 година и на која делегатите не успеаја да постигнат спогодба за преземање силни мерки за борба против климатските промени.

Со потпишување на Меморандумот за разбирање со кој доброволно се согласуваат да интегрираат сет од социјални, етички и еколошки принципи за водење на бизнисот, Адинг АД Скопје, Гемак Трејд, ИНнет, КПМГ Македонија ДОО Скопје, Македонски телеком АД Скопје и ТТК Банка АД Скопје го основаа Бизнис лидерскиот форум на Македонија.

АДИНГ АД ја доби првата награда за општествена одговорност за претпријатијата во категоријата одговорен   однос кон вработените за 2009 година на изборот организиран од Центарот за институционален развој (ЦИРА).