Започна проектот за регулација на речното корито на Липковка

Започна реализацијата на проектот за регулација на речното корито на реката Липковка. Таа ќе се одвива во две фази. Втората фаза ќе опфати чистење и на реката Којнарка. Проектот денеска го пресентираа градоначалникот на Општина Куманово, Зоран Дамјановски, претставникот на УНДП, Луиза Винтон, како и aмбасадорката на Кралство Јапонија, Кеико Ханеда и министерот за животна средина и просторно планирање, Садула Дураку.

По втората фаза ќе следи и трета, во која е предвидено изградба на мостови и околу стадионот „Башкими“. Проектот треба да  се заврши до крајот на годината. Средствата се обезбедени од неколку субјекти, УНДП, Амбасадата на Јапонија, која е еден од поголемите донатори во самиот проект, Министерството за животна средина и просторно планирање  и локалната самоуправа. Локалната самоуправа потпипша договор и во тек е исплатата на сите средства во висина од двеста илјади евра, министерството исто така ќе донира околу двеста илјади евра, останатите средства ќе бидат обезбедени од амбасадите.