Започна изградбата на подводниот тунел „Евроазија“

Во азискиот дел на Истанбул се одржа церемонијата на отпочнување на изведбата на тунелот  што  ќе го намали времето за преминување преку Босфорот, од сегашните 100 на само 15 минути. Планирано е во текот на изградбата дневно да се пробиваат по 10 метри.

Тунелот ќе биде со должина од 14,6 километри и низ него ќе може да минуваат само автомобили и минибуси, додека движењето на камиони, мотоцилки, велосипеди и пешаци нема да биде дозволено.
Во светот тунели од ваков вид има уште во Њујорк (четири), и по еден во Малезија и Франција.