Времена забрана за изградба на жичара на Попова Шапка

 Државниот инспекторат за животна средина издаде решение со забрана за работа за ЕЛЕМ, А.Д Скопје и фирмата Декон Ком, Скопје за вршење секакви градежни активности на жичарата шестосед на Попова Шапка во законски максимален рок од 90 дена. Во контролите направени на теренот на 5-ти и 6-ти октомври е утврдено дека било поместена локацијата за изградба на приемната станица за жичарата.

При надзор во јули годинава е констатирано оштетување на извори на водоснабдување на градот Тетово. Веднаш се издаде решение за забрана на сите активности до изнаоѓање на соодветно техничко решение, а во меѓувреме редовно да се известува ДИЖС за сите преземени активности. Решение за забрана за градежни активности е дадено и од страна на Овластен Инспектор за животна средина од Општина Тетово, согласно надлежностите на локалната смоуправа.

Надзорот од 5 и 6 октомври е утврдил дека е „поместено предвиденото место за приемнта станица на жичарата, а воопшто ДИЖС не бил писмено информиран за превземените активности. ДИЖС побара документација, нова дозвола за градба, измена на Елаборат за животна средина и мислење од страна на МЖСПП, кои не беа презентирани при надзорот“. Оттука и изречената мерка за забрана на врење на секакви градежни активности во споменатиот рок.

По законскиот рок, ДИЖС ќе изврши контролен надзор на истиот локалитет со правниот субјект, а во очекување е на средба со претставници од АД ЕЛЕМ Скопје во насока на вршење увид во документација што ја поседуваат, а поврзана со гореспоменатата жичара.