Визија за Торонто доколку природата дојде по своето

Тешко може да се опише со зборови широчината на фантазијата на Метју Борет. Овој уметник, замислил како би изгледал Торонто доколку во иднина природата би ја вратила својата надмоќ врз пределите трајно узурпирани од човекот. Под темата „Future Toronto“, сликите изгледаат навистина како од соништата.

„Процесот на создавање на делата е многу сложен. Се работи главно дигитално, но вклучени се и техники на моделирање, сликање и фотографирање“, објаснува Борет. Како уметник, инспирацијата ја пронаоѓа во фикцијата, но и во минатото. „Отсекогаш ме привлекувал футуризмот и научната фантастика, како и далечната историја и остатоците од древните цивилизации.

Инспирацијата од урбаното опкружување и природата е неисцрпна. Во иднината што ја замислувам, најголем дел од индустријата не постои. Се работи само за умерена употреба на технологијата“, вели  Борет.