Виенскиот аеродром произведува електрична енергија од фотоволтаици

Аеродромот во Виена „Flughafen Wien AG“ ги стави во погон првите фотоволтаични постројки кои се наоѓаат на покривите од хангарите и складиштата за машини. Поставени се 2.000 соларни модули на вкупна површина од 3.200 m².

Фотоволтаиците имаат капацитет за производство 500.000 kWh електрична енергија годишно и на тој начин ќе придонесат за еколошко и одржливо снабдување со електрична енергија на виенскиот аеродром.

Како што најавуваат од аеродромот, нивната цел е во наредните неколку години да поставуваат нови 4.000 m² фотоволтаици годишно со што ќе  се влијае на намалувањето на емисијата на јаглерод диоксид. Виенскиот аеродром во последните три години ги намали емисиите на јаглерод диоксид за 20%.