Виена вози еколошки

Градот Виена ја извести јавноста дека компанијата за градски јавен превоз Wiener Linien до крајот на 2019 година целата флота автобуси ќе ја замени со еколошки. Се истакнува дека тој процес на трансформација ќе се одвива во две фази, при што со неодамнешната замена на автобуси завршена е првата фаза. Со првата фаза една половина од флотата е веќе заменета со нови автобуси со стандард Еуро 6, со што потрошувачката на гориво на годишно ниво веќе е намалена за 20%, а сериозно е намалена и емисијата на јаглерод диоксид.  Во 2019 година набавката предвидува и електрични автобуси.