Виена доби нова железничка станица од милијарда евра

Виена доби нова Главна железничка станица, чија изградба траеше пет години, а инвестицијата вреди околу една милијарда евра. Од 14 декември таа ќе го преземе севкупниот меѓународен сообраќај.

Архитектонскиот концепт на новата железничка станица во фокусот ја става  функционалноста. Низ оваа станица ќе сообраќаат околу 1.100 возови, а ќе ја опслужуваат околу 20 илјади работници во и околу неа.

Градоначалникот на Виена, на церемонијата на свеченото отворање, порача дека градот се ангажира за мобилност која не штети на животната средина, односно почива на принципите на одржливиот развој. Потсетувајќи дека дневно мигрираат околу 250 илјади патници кои работат во Виена, тој истакна дека квалитетот на јавниот превоз е од огромно значење.