Валентиново срце инспирирано од емиграцијата поставено на Тајмс Сквер

Победничкиот дизајн за 2017-та за срцето на Тајмс Сквер во чест на Свети Валентин под наслов „И ние некогаш бевме странци“ (We were Strangers Once Too) веќе е изведен и поставен на њујоршкиот плоштад.

Со цел да ја слави емигрантската култура на САД, скулптурата – срце се состои од 33 метални шипки потпишани со податоци за потеклото на граѓаните на Њујорк кои се родени надвор од САД.

Името „И ние некогаш бевме странци“ е инспирирано од говорот на поранешниот претседател Обама во 2014-та на тема емиграција, и ја подвлекува улогата на емигрантите во развојот на културата и уметноста во земјата.

Во исто време им се дава и поддршка на емигрантите во едно време кога се под еден вид „опсада“ од страна на официјаната политика во САД. Автор на ова дело е Канцеларијата за крестивно истражување (Office for Creative Research).