Насловна / Архитектура / Униформираност и светлина – идеја за создавање на просторот

Униформираност и светлина – идеја за создавање на просторот

Канадското студио Thomas Balaban Architect креира куќа која изобилува со богата просторна комплексност, скриена зад фасадата што е карактеристична за работната класа.

куќа-2

Главниот предизвик во проектирањето на овие 300 м2, лоцирани во Монтреал, Канада, е внесувањето на природна дневна светлина во внатрешноста. Предводен од оваа идеја, архитектот создава атриумски простор во централниот дел на куќата, со цел да обезбеди светлина и во нејзините најниски делови. Секоја просторија има пристап до дворот што се создава со овој атриум. Дизајнот на дворот дава приоритет на користењето пасивна соларна енергија поради неговата транспарентност и отвореност со која овозможува длабоко навлегување на природна светлина и истовремено овозможува природна вентилација.

куќа-3

куќа-4

Се напушта традиционалното проектирање на куќата и се врши ротација на спалните простории со дневниот престој, којшто се наоѓа на најгорниот кат, со што се максимизира дневната светлина онаму каде што е најпотребна.

куќа-5

Фасадата на објектот се карактеризира со воздржаност во дизајнот, таа е светла и монохроматска, обидувајќи се да се задржи, пред сè, на компакноста на формата. Со цел задржување на единственоста на формата, се користи истиот алуминиумски материјал за покривање на фасадата и кровот.

Во контраст со просторната комплексност создадена од атриумот, ентериерот на куќата е едноставен, униформиран, стратегиски артикулиран со благо акцентирање на вертикалните комуникации. Доминираат бело варосаните ѕидови, дрвениот мебел и бетонскиот под.

куќа-6

куќа-7

куќа-8

куќа-9

куќа-10куќа-11

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top