Улична уметност на мали, урбани и хумористични дела

Французинот познат под псевдонимот OakOak успева да ја исполни една од улогите на уличната уметност: да ги забавува и инспирира луѓето од сите возрасти.
Кога станува збор за овој креативен ум, кој се крие зад прекарот OakOak, можеме да бидеме среќни дека, и покрај тоа што не е професионален уметник, го прави она што му оди одлично: уметност. Преку денот функционира како pen pusher, како што на англиски жаргон се нарекува монотоната канцелариска работа, додека преку ноќ, се трансформира во уличен уметнички херој кој на улиците на францускиот Сент-Етјен создава мали, урбани и хумористични дела.
Со своите дела веќе ги исполнил колумните на светските медиуми како што се бразилскиот БиБиСи или најголемите дневни весници во Пекинг. Неговата уметност често се јавува инспирирана од пукнатини и несовршеностите по тротоарите и улиците, и се претвора во убави уметнички интервенции.
Најчесто може да се види во текот на ноќите во градот Сен-Етјен каде што живее, или своите дела ги создава на патувањата ширум светот каде што го остава потписот OakOak. Како омилен уметник го наведува Амадео Модилјани, а инспирација наоѓа во поп-културата, стриповите, филмовите, фудбалот, видео игрите и во неговиот роден град. „Го сакам Сен-Етјен и неговата атмосфера. Сакам да изгледа поубаво, и затоа го правам сево ова“.