Порта3 – градежништво, архитектура и екологија Порта3 – градежништво, архитектура и екологија
Мостот Рибља Брв изгледа како да лебди над реката спојувајќи ги двата брега на главниот град на Словенија.
Студиото Архитектура е проектант на новиот пешачки мост кој се наоѓа на истото место од стариот дрвен мост од 1991 година.
Оригиналниот мост испроектиран од студентите по архитектура кон крајот на осумдесеттите години, изведен со дрвена конструкција беше направен како привремено решение. Поради карактеристиките на дрвото, низ годините, конструкцијата на мостот стана несигурна поради што се појави потреба од негова итна замена.
Новиот мост изгледа како лебдечка лента, бидејќи е направен од стакло и притоа нема видливи потпори. Долната конструкција е направена од челик со мал попречен пресек кој рефлектира светло, додека оградата е траснпарентна, од стакло, па не ги попречува погледите кон градот.
Архитектите се потрудиле мостот да биде што потенок и поненаметлив, за да се испочитува историското опкружување и за да се вклопи подобро во историската сецесија инспирирана од Виена.
Пешачкиот мост долг 25 метри е направен за четири месеци. Оградата е изведена од троструко стакло, додека под неа се кријат LED светилки, кои суптилно го осветлуваат мостот во текот на ноќта.
