Стаклен панорамски премин над Tower Bridge во Лондон

Високо над Tower Bridge во Лондон, мостот стар 120 години, беше отворен првиот од двата пешачки премини со стаклен под од кој може да се набљудува стариот мост и реката Темза.

Новата пешачка патека обезбедува ретка можност да се погледне директно надолу кон реката, што претставува вистинска атракција и секој ден примамува по 40.000 посетители.

Оваа туристичка атракција, која се издига на 42 метри над реката, со должина од 11 метри и ширина 1,8 метри, беше направена за две години. Посебно воодушевувачки се погледите кон мостот кога е подигнат. Ова е првата инсталација, додека втората со стаклено панорамско дно треба да биде завршена до 1 декември.