Србија најави поврзување на коридорите 10 и 11

Министерката за градежништво, сообраќај и инфраструктура на Србија, Зорана Михајловиќ, вчера (20 јуни) со делегација на американската компанија Behtel се состанала во врска со реализацијата на проектот за изградба на автопатот Појате – Прељина.

Во таа прилика, таа ја запознала јавноста за плановите на Владата за почетокот на изведбените работи на т.н Моравски коридор, планиран за 2018 година. Автопатот Појате – Прељина во должина од  110 km ќе ги спои Коридор 10 и Коридор 11, поврзувајќи ги Крушевац, Трстеник, Краљево, како и Чачак преку кој таа сообраќајница со продолжување на изградбата на Коридорот 11 и автопатот Белград – Сараево, понатаму ќе биде поврзана со Пожега и Ужице.