Современо ентериерно решение за мал стан

Дизајнерското студио Maayan Zusman Interior Design проектира модерен стан од 50 метри квадратни со локација во Тел Авив во Израел. Во програмата се вклучени две спални соби, бања, гостински тоалет и отворен голем балкон.

Станот се наоѓа во стар објект во кој во претходно постоечкиот план не постоеле преградни ѕидови, туку само надворешните ѕидови со дебелина од еден метар, па поради тоа било потребно добра внатрешна организација на просториите. Користени се специјално дизајнирани ормани, во кои воедно се скриени сите електрични апарати и додадени се стаклени ѕидови.

Главниот концепт на енетериерот на овој апартман е стаклената коцка којашто го сегментира просторот. Коцката е транспарентна и изработена од црно стакло и во неа се сместени бањата и тоалетот.