Современа архитектура во рурална средина

Вкоренета во пејзажот на шкотскиот остров Skye, се наоѓа приватна вила на петчлено семејство проектирана од архитектонското студио Dualchas Architecs.

Изборот на локацијата претставува инспирација на архитектoт за целокупната композиција на објектот, кој се одликува со јасни и едноставни волумени директно преземени од бараките на соседните фарми. Истовремено, поставеноста на планот овозможува неверојатни погледи кон заливот Dunvegan и полуостровот Waternish.

По барање на клиентот, вилата се карактеризира со отворен план и програмски поделена содржина, со цел да се формира двор кој ќе биде заштитен од ветрови. Во едниот волумен се наоѓаат трепезарија, четири спални соби, простории за играње и учење, а во вториот волумен се наоѓа дневниот простор.

Ентериерот е современ и се одликува со бело варосани ѕидови, а акцентот е ставен на употребата на мебел со јаки бои.