Современ ентериер наречен „Длабоко во природата“

PlusP Designers го создаваат овој ентериер на стан во Макао, кој е работен по нивна замисла, а проектот го нарекле „Длабоко во природата“.

Централен фокус по кој се водат е дрвото како значаен дел од природата, со што пристигнувањето во домот треба да предизвика чувство на смиреност, удобност, враќање кон човековата природа и хармоничност со животот.

Токму затоа архитектите се одлучуваат за употреба на мотиви инспирирани од дрвjaтa. Тие се интересно имплементирани во овој простор и имаат цел да направат сопствениците да се почувствуваат како дел од природата. Ентериерот создава место за уживање и чувство на вистинска слобода дури и меѓу четирите ѕидови од домот.

Терасата е намерно проширена за да се создаде повеќе пространост, во дел од подот дополнета со природни камчиња кои го збогатуваат ефектот на природност.

Но во станот освен мотивите на дрвја, се среќаваат и други комбинации на суровини, кои перфектно се надополнуваат.

Апстрактните гранки во станбениот простор се акцентирани со висечки светилки, така што местото добива еден превез на мистериозност.

Земјените тонови и изборот на природни материјали уште повеќе ја нагласуваат природноста и за сигурно го оправдуваат името „Длабоко во природата“.