Red Zone – фотографски проект со тепих како главен мотив

Иранскиот фотограф Jalal Sepehr понуди перспектива која ретко се гледа во светот на фотографијата, со својот авторски фото-проект наречен Red Zone. Тоа е серија на фотографии, кои се негова лична референца на тековната алармантна ситуација на Блискиот Исток, политичките немири и војни.

Секоја фотографија има заеднички и подеднакво изразен мотив, а тоа е персиски тепих кој е синоним за „движење напред“, интегриран во разни стресни ситуации, и кој често предизвикува немир кај гледачот.

Интересно е како тепихот среде пустините симболизира празнина и тоа на многу силен и впечатлив начин. Овој фото-проект, всушност, претставува вистински увид во сите социјални и културни влијанија, предизвикани од страна на националните нестабилности.

Red Zone, според зборовите на фотографот, исто така, се обидува да ги претвори сите комплексни проблеми на општеството во уметничка поедноставена визуелна метафора.