Промовиран амфитеатар во библиотека „Гоце Делчев“ во Штип

Во Штип, во НУ-библиотека беше промовиран амфитеатар со околу 300 седишта. Со амфитеатарот се заокружува уредувањето на дворната површина.

Инвестицијата е на Општина Штип а градежните зафати ги реализираа двете јавни претпријатија „Исар“ и „Стипион“.

„Промовирањето на амфитеатарот е дел од одбележувањето на 70 години од постоењето на оваа институција која започна како читалиште а денес е реномирана национална установа. Имаме еден вид на летна сцена на која ќе се случуваат културни манифестации и еве упатувам покана до сите уметници да му дадеме живот на овој амфитеатар“, истакна директорката на библиотеката Милена Ристова-Михајловска.