Пловечка речна сауна во Германија

Архитектонското биро 4a Architekten од Германија создаде извонреден простор за опуштање со својот нов проект за пловечка речна сауна. Сауната Emser се простира на површина од 250 метри квадратни и претставува прва сауна во Германија која ќе биде отворена во текот на целата година. Варијациите на длабочината на реката Лан биле голем предизвик за архитектите од ова биро. 
Како вистинско решение за овие проблеми е избран концептот за пловечка понтонска структура која е прицврстена преку челични цилиндрични цевки. Во склоп на оваа компактна структура, посетителите можат да се опуштат во една од двете фински сауни со прозорци од подот до таванот, просторија за опуштање со бар и тераса за сончање која овозможува прекрасен поглед на околината.