Одржан „Економски и еколошки форум“ на ОБСЕ

Организацијата за европска безбедност и соработка (ОБСЕ) го одржа дваесет и третиот по ред „Економски и еколошки форум“ во Виена. Форумот траеше два дена, 26 и 27 јануари. На овој форум учествуваа над двесте претставници на министерства, државни институции, меѓународни организации и компании. Како посебно значајни за регионот, потенцирани се: важноста на прекуграничната соработка во областа на управувањето со водите, влијанието на климатските промени врз водата како ресурс, ефикасно користење на водата, како и транспарентноста во овој сектор на локално, национално и регионално ниво.