Новиот „Центар за архитектура на Чикаго“ ќе биде отворен во 2018

„Фондацијата за архитектура на Чикаго“ (CAF – Chicago Architecture Foundation) ја најави изградбата на „Центарот за архитектура на Чикаго“, кој ќе им овозможи на посетителите да се запознаат со архитектонското наследство на овој град и неговата улога во обликувањето на градовите на денешнината низ целиот свет.

Лоциран во зграда проектирана од страна на  Mies van der Rohe,  центарот ќе обезбеди  простор за најразлични изложби и едукативни иницијативи. Во истиот објект ќе биде преселено и новото седиште на CAF. Сепак, централниот изложбен простор е резервиран за облакодерите, своевиден заштитен знак на Чикаго. Во т.н „Skyscape Gallery“,  ќе биде поставена постојана изложба на облакодерите во Чикаго, но и ширум светот. Проектот вреди 10 милиони УСД, а се очекува комплетно да биде завршен во 2018 година.