Нов тренд во декорацијата на домовите – дрво бреза

Во светот на декорацијата, дрвото бреза игра значајна улога во последниве години.

Од оваа причина, ви претставуваме колекција на живописни заднини со овој мотив, со кој можете да го  разубавите вашиот дом. Овој тип на тапети се идеални за спални или дневни соби, но, исто така, и за во работни простории и студија, со што може да се создаде удобно место за концентрација.

Ваквите тапети креираат илузија на природа во ентериерот и го трансформираат просторот во своевидна земја на чудата.

Некои експерти велат дека тие дури имаат и терапевтски ефект, бидејќи го релаксираат вашиот ум.

Современиот ентериер содржи едноставни или минималистички парчиња мебел со таквите природни тапети. Бидејќи овој вид заднина, генерално, има многу детали на себе, тие не треба да се комбинираат со шарен мебел и многу различни текстури.