Нов сојуз за уште повеќе електрани на ветер

Претставници на Германија, Белгија и Данска како и 25 компании, меѓу кои и гигантите како што се DONG energy и Siemens, потпишаа заедничка декларација со која се бара уште поголема експанзија на градбата на офшор ветерни централи во Европската Унија.

Притоа, како главна цел се истакнува зголемувањето на постоечката моќност на офшор ветените паркови за пет пати во наредните 10 години. На тој начин, во секоја година инсталираната моќност ќе се зголемува за најмалку 4 GW, со што од сегашните 13 GW, ќе се достигне целта од  60 GW.  Истовремено, се истакнува дека врз основа на анализата на трошоците за овој тип проекти, во Холандија, Германија и Данска, тие се намалени за речиси 50%.