Необичен мост за уживање во пејзажот при возењето

Кружниот мост кој ги поврзува градовите Рочу и Малдонадо во Уругвај, проектиран е со цел да ги наведе возачите да успорат и да се препуштат на убавината на природата, барем за кратко додека го преминуваат. Проектот е дело на Рафаел Вињоли, а изградбата траела 12 месеци.

Изграден е  на место каде порано се наоѓале сплавови, кои биле наједноставното средство за минување од едната на другата страна. Целта на овој мост била да се измени традиционалниот начин на сфаќање за патувањето и да се намали брзината, при што ќе се ужива во еден неверојатен предел.

Освен тоа, направен е и простор за пешаците кој е обезбеден со ограда.