Најголемата банка во светот апелира за инвестирање во зелени технологии

Аналитичарите на банката UBS, најголемата приватна банка во светот, наведуваат дека наскоро големите електрични централи ќе „изумрат“ бидејќи се преголеми, нефлексибилни и неважни за идното производство на електрична енергија. Ваквото сценарио го предвидуваат веќе за 10-20 години бидејќи според нив, развојот на електричните автомобили, евтините батерии и новите соларни технологии во целост ќе го трансформираат енергетскиот сектор, односно начинот на производство, складирање и дистрибуција на енергијата.

„До 2025 година сите ќе бидат во можност да произведуваат енергија која ќе биде ценовно конкурентна, а не само големите централизирани системи сопственост на моќните енергетски компании. Веќе во 2015 година, исто така и купувањето на електричен автомобил ќе биде поевтино од возилата на фосилни горива“, наведува банката во својот извештај.

Затоа, банката ги повикува клиентите и инвеститорите да се придружат кон зелената револуција.