Мистичен гигант кој ја менува формата во зависност од ветерот

Уметничката инсталација Liquid Shard, направена е од холографски ленти и се протега на речиси 1.400 квадратни метри во Pershing Square во Лос Анџелес. Инсталацијата се крева и паѓа како мистичен гигант, менувајќи ја формата во зависност од ветерот.

Проектирана и креирана е според идејата на Patrick Shearn, кој бил одговорен за механичките инсталации во филмот Паркот Јура. Поставената инсталација веднаш стана хит меѓу жителите на Лос Анџелес и големиот број туристи и социјални медии, и е дел од поддршката на јавната уметност во градот.

Лентите кои се виорат на ветрот и ги одразуваат сончевите зраци, создавајќи илузија на жив бран, дава сосема нова перспектива на паркот, а при изработката на инсталацијата била користена техниката 3Д моделирање за да точно се види движењето во просторот. Инспирацијата на Shearn доаѓа од истражувањата на научни принципи и откривањето на природните убавини.