Меѓународно советување „Енергетика 2016“ – Охрид

Во организација на Здружението на енергетичари на Македонија (ЗЕМАК) во периодот од 6-ти до 8-ми октомври 2016 во Охрид ќе се одржи Меѓународниот симпозиум „Енергетика 2016“, кој веќе по традиција се одржува на секои две години.

ЗЕМАК како национално здружение на професионалци од областа на енергетиката, кои потекнуваат  и од  стопанството и од академската заедница постои веќе 24 години. Во континуитет се труди со своите активности да промовира нови енергетски решенија во интерес на стабилност и развој на овој значаен економски сектор во државата.

Досега здружението има организирано вкупно седумнаесет меѓународни советувања, голем број семинари и сл., а трудовите се публикувани во вкупно 17 зборници.