Мала куќа, а има сè!

Сестраност, достапност и удобност се одликите на оваа мала куќа од 30 м2, со совршен поглед на блискиот океан. Иако е со мала квадратура, во ентериерот се чувствувате како да е двапати поголема благодарејќи на дизајнот. Отворени прозорци, поглед на целото небо и едноставен и чист декор. Куќата е во Велика Британија, во предел со високи брегови, песочни плажи и неверојатни глетки. Исто така, на општиот впечаток за пространост влијае и големиот отворен простор – тераса каде се ужива во текот на денот кога сонцето грее и на која се пие најубавото кафе со уживање во погледот.

Најголем дел од просторот заземаат големите прозорци-ѕидови, кои се отвораат и даваат илузија на поголем простор.

Целиот простор е „осветлен“ со природно светло што му дава сјај на мебелот и на белите ѕидови, а во секој момент сте со сетилата во допир со океанот.

Дали сега верувате дека може да живеете на големо во така мал простор од 30 м2?! Единствено е нејасно како се живее во овој простор кога доаѓа долгиот дождлив зимски период.