Куќа која ѝ пркоси на бесконечноста

Ателјето AABE( Atelier d’ Architecture Bruno Erpicum & Partners) ја проектираат Куќата Инфинити во Балеарес, Шпанија.

Куќата ја зазема својата позиција со заднината кон останатите куќи и едноставно со својата форма го прати правецот на хоризонтот, поради што го добива името. Архитектот има ограничен терен за работа. Трикот се состои во ослободување на сите емоции на едно место: отворање или разделување како одраз на бесконечност.

Просторот и времето се две бесконечни работи кои нè одминуваат. Архитектурата, сепак, овозможува да се моделира просторот и да се постави во времето како сончеви часовници. Таа исто ја отелотворува третата бесконечна работа: убавината.

Белите ѕидови се празни страници за изразување на природата. Во дворот е оставен Сабине, бавно растечки бор, кој ја раскажува сторијата за античкиот свет.