Концептуален хотел на отворено со „нула ѕвезди“

Најновата атракција во Швајцарија е концептуалниот хотел со кој управуваат хотелиерите Франк и Патрик Риклин. Се работи за хотелот Null Stern кој нема ниту ѕидови ниту покрив, а најблискиот тоалет е оддалечен 16 километри.

Овој хотел е посебен по тоа што нуди фантастичен поглед и се наоѓа на 1.970 метри надморска височина во Швајцарските Алпи. „Собата“ се состои од голем кревет, ноќни масички и две ламби. На гостите на располагање им е батлер кој ги дочекува со појадок и пијалак.

Ноќевањето чини 228 евра, а сезоната е отворена од пролет до есен. Исто така, хотелот ги откажува резервациите во случај на лошо време. Инаку, самото име на хотелот означува „хотел со нула ѕвезди“.