Како се одвива реконструкцијата на терените на Ролан Гарос?

Ролан Гарос или Френч Опен, еден од четирите грен слем тениски турнири, вложува сериозни средства во реконструкција и модернизација на централниот терен, како и изведба на еден целосно нов терен инспириран од стаклена градина – сосема нов концепт за еден голем турнир во светски рамки. Вредноста на целата инвестиција е 400 милиони УСД.

Централниот терен Philippe-Chatrier ќе претрпи фундаментална реконструкција, со цел обезбедување солидна основа за поставување на подвижна покривна конструкција. Овој зафат треба да биде завршен до 2020 год., со што Ролан Гарос ќе биде последниот од четирите големи турнири кој ќе го елиминира влијанието на метеоролошките услови врз текот на турнирот.

Новиот терен кој треба да се изгради ќе биде опкружен со четири градини кои ќе содржат растителни видови од четири различни континенти. Предвиден е капацитет од 5.000 седишта.

Мастерпланот содржи уште една компонента, а тоа е т.н. „Ролан Гарос село“, со содржини за односи со јавноста, како и ресторани и кафетерии.

Еве и две видеа за тоа како ќе оди изградбата:

Извор: Le Parisien