Иновативна фасада со тројно стакло за зголемена енергетска ефикасност на објектот

Италијанската компанија Giovanni Vaccarini Architetti го проектираше објектот на новото седиште на  компанијата Société Privée de Gérance (SPG), во историскиот дистрикт на Женева. Попрецизно, се работи за реконструкција и надградба на веќе постоечка зграда, при што клучен нов елемент е стаклената фасада (со тројно стакло) која ги задоволува сите барања во поглед на заштита од сончевото зрачење но и максимална транспарентност во исто време.

Фасадата, исто така, ја подoбрува акустиката и термичката изолација на зградата. Повеќеслојноста на фасадата овозможува оптимално надополнување на природната вентилација со механичкиот систем за вентилација, овозможувајќи значителни заштеди на енергија.

Челичната конструкција на фасадата е дело на Stahlbau Pichler. Модуларниот ритам и рефлексијата на стаклото и даваат посебен ефект на вака изведената фасада.