„Го чуваме нашиот Центар“, нов проект на општината

Стражарските служби на општина Центар започнаа со работа. Чуварите  ќе бидат на располагање  на граѓаните секој ден од 20.00 до 4.00 часот.

Нивни задолженија ќе бидат:

-заштита на зеленилото во регионот

– заштита на урбаната опрема и инвентарот

– грижа за вашата безбедност

Во изминатите години, општина Центар се посвети на разубавување на маалата, реконструкција на зеленилото, поставување на нова урбана опрема и нови детски игралишта.

Сега сето ова создадено, треба да се заштити, за да остане и за следните генерации.

Овој проект за поставување стражарски куќички со чувар е на барање на граѓаните, и тие ќе бидат поставени  на повеќе локации во Центар. Првите куќички се поставени во Градски ѕид и Капиштец.

Општина Центар ги повикува граѓаните на соработка.