Финска ги напушта термоцентралите за јаглен и ги крева даноците за сите загадувачи

Финската влада има намера до 2030 година во целост да запре со производството на електрична енергија во термоцентралите кои работат на јаглен. Исто така, планирано е и зголемување на данокот за емисија на јаглерод диоксид. Денес во Финска само 10% од вкупно произведената електрична енергија се добива од јаглен.

За да биде изводливо планираното сценарио, Финска ќе с енасочи на развој на нови нуклеарни централи, додека термоцентралите ќе се користат само во случај на крајна потреба. Се очекува дека новиот, трет реактор во нуклеарната централа Олкилуото, да биде пуштен во погон во 2018 година, додека нуклеарната централа Ханхикиви 1, се планира да биде завршена до 2024 година.