Фасада на зграда во Хаг, како „најголемиот Мондријан во светот“

Архитектот Richard Meier е добро познат по својата фасцинација од белата боја, опишувајќи ја како „извонредна боја во која можете да ги висите сите бои на виножитото“. Ова е всушност и една од поентите на неговиот говор по повод добивањето на Прицкеровата награда. Токму во знакот на снежно белата боја е изведена и City Hall зградата во Хаг, Холандија (завршена во 1995). Но, оваа година, целата таа белина послужува како основа за најголемата „слика“ на Мондријан во светски рамки.

Имено, оваа зграда е еден од неколкуте објекти во градот кои добиваат „Мондријан третман“, во знак на прославувањето на 100 годишнината од создавањето на холандското уметничко движење, De Stijl.

Движењето востановено од реномирани уметници меѓу кои и легендарниот Piet Mondrian, има направено сериозно влијание  во модерната архитектура, преку архитектите како Gerrit Rietveld, Mies van der Rohe, и други.

Како дом на најголемата збирка на дела од Мондријан (во Gemeentemuseum), Хаг го прославува споменатиот јубилеј преку низа настани во текот на целата година.