Да се свири Бах во прекрасната Bruder Klaus Kapelle од Петер Цумтор

Баховите прелудии се создадени во периодот 1717-1723 год. кога Бах бил Kapellmeister, што веројатно значело дека се создадени да бидат изведени на свето место. Младиот музичар Исанг Ендерс се одлучил да го обнови тој култ на свирење на свето место, 300 години потоа.

Затоа ја избира прекрасната капела во Вачендорф, Германија, проектирана во 2007 година од швајцарскиот архитект со Прицкерова награда, Петер Цумтор. Тоа е капелата Брудер Клаус, каде мистичниот и поетичен ентериер е замаскиран со доста крут правоаголен екстериер.

Роден во мешано германско-корејско семејство, младиот музичар Ендерс бргу се пробива во сферата на музиката со бројни музички перформанси кои ги опфаќаат темите во распон од барокните правци до денешната модерна музика.