Богатството на 782 најбогати луѓе може да обезбеди обновлива енергија за половина свет

Личното богатство на 782 најбогати луѓе на планетата, може да и обезбеди на Африка, Латинска Америка и речиси цела Азија 100% обновливи извори до 2030 година, се вели во извештајот на  „Friends of the Earth International“ објавен неодамна.  Некои од најважните заклучоци на овој извештај насловен – „Енергетска револуција“ се следните:

– Богатството на најбогатите 53 луѓе на планетата може да обезбеди снабдување на цела Африка со 100% обновлива енергија до 2030

– Богатството на најбогатите 32 луѓе на планетата може да обезбеди снабдување на цела Латинска Америка со 100% обновлива енергија до 2030

– 5.148  милијарди долари во инвестиции се потребни за да се генерира половина од светското производство на електрична енергија со 100% обновлива енергија до 2030. Тоа е инвестиција еднаква на личното богатство на само 0.00001%  од популацијата, односно концентрирано е кај 782 луѓе.

„Овој извештај треба да биде аларм за будење на креаторите на политиките и властите. Светот денес с есоочува со две деструктивни и испреплетени кризи – растечката материјална нееднаквост на популацијата и климатските промени“ вели Sam Cossar-Gilbert од Friends of the Earth International.